1 Imilandu

7 Nomba abana ba kwa Isakari bali ni Tola+ na Pua,+ Yashubu na Shimrone,+ bonse pamo bane. 2 E lyo abana ba kwa Tola bali ni Usi na Refaya na Yeriele na Yaamai na Ibsamu na Shemuele, abakalamba ba mu mukowa wabo. Mu ndupwa sha kwa Tola mwali abaume impalume, aba maka. Mu nshiku sha kwa Davidi+ bali amakana amakumi yabili na yabili ne myanda mutanda (22,600). 3 Kabili abana ba kwa Usi bali ni Israhia; na bana ba kwa Israhia bali ni Mikaele na Obadia na Yoele, Ishia, ,* basano, bonse aba bali bakalamba ba ndupwa shabo. 4 Kabili aba ukulingana ne ntuntuko shabo, ukulingana ne mikowa yabo, bali pamo na bashilika ba bulwi amakana amakumi yatatu na makana mutanda (36,000), pantu bakwete abakashi abengi na bana abengi.+ 5 Kabili bamunyinabo aba mu ndupwa shonse isha kwa Isakari, abali abaume impalume, aba maka,+ bali amakana amakumi cinekonsekonse na makana cinelubali (87,000) ukulingana no kulembwa kwa ntuntuko shabo bonse.+

6 Abana ba kwa Benjamini+ bali ni Bela+ na Bekere+ na Yediaele,+ bonse pamo batatu. 7 E lyo abana ba kwa Bela+ bali ni Esbone na Usi na Usiele na Yerimote na Iri, bonse pamo basano, abakalamba aba mu mikowa yabo, abaume impalume, aba maka; kabili abalembelwe+ intuntuko shabo bali amakana amakumi yabili na yabili na makumi yatatu na bane (22,034). 8 Kabili abana ba kwa Bekere bali ni Semira na Yoashi na Eliesere na Elioenai na Omri na Yeremote na Abiya na Anatote na Alemete, bonse aba bali bana ba kwa Bekere. 9 Kabili ukulembwa+ kwabo ukulingana ne ntuntuko shabo, e kutila, mu bakalamba ba mikowa, abaume impalume, aba maka, bali amakana amakumi yabili ne myanda ibili (20,200). 10 Kabili abana ba kwa Yediaele+ bali ni Bilhani; e lyo abana ba kwa Bilhani bali ni Yeushi na Benjamini na Ehudi na Kenaana na Setani na Tarshishi na Ahishahari. 11 Bonse aba e bali abana ba kwa Yediaele, ukulingana na bakalamba ba mikowa, abaume impalume, aba maka,+ abali amakana ikumi na cinelubali ne myanda ibili (17,200) abali mwi bumba lya nkondo.

12 Kabili Shupimu+ na Hupimu+ e bali abana ba kwa Iri;+ abena Hushimu bali bana ba kwa Ahere.

13 Abana ba kwa Naftali+ bali ni Yahasiele+ na Guni+ na Yesere na Shalumu,+ abana ba kwa Bilha.+

14 Abana ba kwa Manase+ bali ni Asriele, uo kanakashi wakwe umwina Siria afyele. (Afyele Makiri+ wishi wa kwa Gileadi. 15 E lyo Makiri afwaiile Hupimu na Shupimu abakashi, kabili ishina lya kwa nkashi yakwe ni Maaka.) Kabili ishina lya wa bubili ni Selofehadi,+ lelo Selofehadi afyele fye abana abanakashi.+ 16 Umuya inshiku Maaka, muka Makiri, afyele umwana umwaume no kumwinika ati Pereshe; kabili ishina lya kwa munyina ni Shereshe; kabili abana bakwe bali ni Ulamu na Rekemu. 17 Kabili abana ba kwa Ulamu bali ni Bedani. Aba e bali abana ba kwa Gileadi mwana Makiri mwana Manase. 18 Kabili nkashi yakwe ali ni Hamolekete. Afyele Ishi-hode na Abiesere+ na Maala. 19 Kabili abana ba kwa Shemida bali ni Ahiani na Shekemu na Likhi na Aniamu.

20 E lyo umwana wa kwa Efraimu+ ali ni Shutela,+ Shutela afyele Berede, Berede na o afyele Tahati, Tahati afyele Eleada, Eleada na o afyele Tahati, 21 kabili Tahati afyele Sabadi, e lyo Sabadi afyele Shutela. Efraimu afyele na Esere na Eleadi. Kabili abaume ba mu Gati+ abafyalilwe mu calo baipeye abana ba kwa Efraimu pantu baishile mu kusenda ifitekwa fyabo. 22 Kabili Efraimu shibo alooseshe inshiku ishingi,+ kabili bamunyina baleya ku kumusansamusha. 23 Awe e pa kusendama no mukashi wakwe, na o aliimite+ no kufyala umwana umwaume. Lelo amwinike ati Beria, pantu mu ng’anda yakwe mwali ubucushi+ ilyo umukashi wakwe apapile. 24 Kabili umwana wakwe umwanakashi ali ni Sheera, kabili e wakuulile umusumba wa Bete-horone,+ uwa mwi samba+ no wa pa muulu,+ na Usenesheera. 25 Afyele na Refa, Refa na o afyele Reshefe, Reshefe na o afyele Tela, Tela na o afyele Tahani, 26 Tahani na o afyele Ladani, Ladani na o afyele Amihudi, Amihudi na o afyele Elishama, 27 Elishama na o afyele Nuni,+ Nuni na o afyele Yehoshua.+

28 Kabili icalo cabo umo baleikala ni Betele+ ne mishi ya uko, kabili ku kabanga ni Naarani,+ na ku masamba kwali Gesere+ ne mishi ya uko, na Shekemu+ ne mishi ya uko ukufika ku Gasa ne mishi ya uko; 29 na mu mbali ya calo ca bana ba kwa Manase mwali Bete-sheani+ ne mishi ya uko, Taanaki+ ne mishi ya uko, Megido+ ne mishi ya uko, Dore+ ne mishi ya uko. Umu e mo abana ba kwa Yosefe+ mwana Israele baikele.

30 Abana ba kwa Ashere+ bali ni Imna+ na Ishba na Ishbi+ na Beria;+ na Sera ali e nkashi yabo. 31 Na bana ba kwa Beria bali ni Heberi na Malkiele, uwali wishi wa kwa Besaiti. 32 Heberi ena afyele Yaflete na Shomere na Hotamu, e lyo na Shua nkashi yabo. 33 Kabili abana ba kwa Yaflete bali ni Pasaki na Bimhali e lyo na Ashbati. Aba e bali abana ba kwa Yaflete. 34 Kabili abana ba kwa Shemere bali ni Ahi na Roga, Yehuba na Aramu. 35 Kabili abana ba kwa Helemu munyina bali ni Sofa na Imna na Sheleshe na Amali. 36 Abana ba kwa Sofa bali ni Sua na Harnefere na Shuali na Beri na Imra, 37 Besere na Hode na Shama na Shilsha na Itrani na Beera. 38 Kabili Yetere na o abana akwete ni Yefune na Pispa na Ara. 39 E lyo abana ba kwa Ula bali ni Ara na Haniele na Risia. 40 Bonse aba e bali abana ba kwa Ashere, abakalamba+ ba mikowa yabo, abaume abasalwa, impalume, aba maka,+ abakalamba ba ntungulushi; kabili balembelwe+ mwi bumba lya bashilika. Bali abaume amakana amakumi yabili na makana mutanda (26,000).+