17 “Pa nshita ya kukuusha icikuulwa ca kukumaninako,+ inkambi ya bena Lebi+ ikabe pa kati ka nkambi shibiye.

“Filya fine inkambi shabo shikakonkana, e fyo bakeme,+ cila muntu pa cifulo cakwe, ukulingana ne mikowa yabo itatu itatu.

23 Indupwa sha bena Gershone shali ku numa ya cikuulwa ca mushilo.+ Shapangile inkambi ku masamba.

29 Indupwa sha bana baume ba kwa Kohati shakuulile inkambi ku kapinda ka ku kulyo aka cikuulwa ca mushilo.+

35 Kabili Suriele mwana Abihaili e wali intungulushi pa ndupwa sha kwa Merari mu mukowa wabo. Bapangile inkambi ku kapinda ka ku kuso aka cikuulwa ca mushilo.+

38 Kabili abapangile nkambi ku ntanshi ya cikuulwa ca mushilo lwa ku kabanga, ku ntanshi ya cikuulwa ca kukumaninako ukulola ukutulila akasuba, ni Mose na Aarone na bana bakwe abaume, abalebomba umulimo wa mu muputule wa mushilo,+ umulimo uo balebombela abana ba kwa Israele. Kabili umbi umbi uwapalamako akepaiwe.+