19 Mu mweshi walenga butatu ukutula apo abana ba kwa Israele bafumine mu calo ca Egupti,+ pa bushiku bwine ubu, bafikile mu matololo ya Sinai.+

11 Nomba mu mwaka wa bubili, mu mweshi wa bubili, pa bushiku bwalenga amakumi yabili (20) muli uyo mweshi,+ e lyo ikumbi lyafumine pa muulu wa cikuulwa ca mushilo+ umwali icipao ca Cipangano.

12 Awe abana ba kwa Israele baliimine no kuya ukulingana no musango baleiminamo+ ukufuma mu matololo ya Sinai, kabili ikumbi lyaileiminina mu matololo ya Parani.+