8 Kabili ndeya ku kubapokolola mu minwe ya bena Egupti+ no kubafumya muli cilya calo no kubatwala ku calo icisuma kabili icapabuka, icalo umwaba umukaka no buci,+ mu ncende ya bena Kanaani ne ya bena Hiti ne ya bena Amore ne ya bena Perisi ne ya bena Hibi e lyo ne ya bena Yebusi.+

4 nkalamupeela imfula pa nshita ya iko,+ ne calo cikalafumya ubulimi bwa ciko,+ ne miti ya mu mabala ikalatwala ifisabo fya iko.+

12 icalo ico Yehova Lesa wenu abikako amano. Amenso+ ya kwa Yehova Lesa wenu yalolesha pali ici calo inshita pe, ukutula pa kutendeka kwa mwaka no kufika ku kupwa kwa mwaka.

25 Bapokele ne misumba ya malinga+ ne mpanga ya mufundo+ no kupoka amayanda ayaisulamo ifisuma fyonse,+ ifishima ifyafukulwa,+ amabala ya myangashi na ya miolife+ ne miti ya fya kulya ifingi, awe balelya no kwikuta+ no kwina+ no kuilemena ku busuma bwenu ubukalamba.+