2 “Umpeele umwana mwaume onse uwabalilapo ukufyalwa mu bana ba kwa Israele, ne nama yonse iilume iyabalilapo ukufyalwa pa nama. Libeli lyandi.”+

19 “Ibeli lyonse lyandi,+ ne fitekwa fyobe fyonse ifilume e kutila amabeli ya ng’ombe na ya mpaanga.+

26 “‘Ibeli lya fitekwa lya kwa Yehova,+ umuntu nangu umo ekapeela umbi amabeli ya fitekwa fyakwe. Nampo ilyo ibeli nga ni ng’ombe iilume nelyo impaanga, yonse ya kwa Yehova.+

13 Pantu ibeli lyonse lyandi.+ Ubushiku naipeye amabeli yonse mu calo ca Egupti+ naibuulile amabeli yonse aya mu Israele, e kutila amabeli ya bantu na ya nama.+ Yakulaba yandi. Nine Yehova.”

15 “Conse icabalilapo ukufyalwa,+ mu ca mweo conse, ico bakapalamika kuli Yehova, nampo nga muntu nelyo inama, cikaba cobe. Lelo ibeli lya bantu+ ne beli lya nama iyakowela ukalilubule.+

17 Lelo taufwile ukulubula+ ing’ombe iilume iyabalilapo ukufyalwa nelyo akana ka mpaanga akalume akabalilapo ukufyalwa nelyo akana ka mbushi akalume akabalilapo ukufyalwa. Ifi fyena fya mushilo. Ukasanse umulopa+ wa fiko pa ciipailo, ukafutumune na mafuta ya fiko ukuti yakabe umutuulo wa pa mulilo uwa kuleta akacena kasuma kuli Yehova.+