40 Kabili pa bushiku bwa ntanshi mukasabe ifisabo ku miti yawamisha, mukateme imisambo ya tuncindu+ ne mpanda sha miti iyapikana no muarabimu wa mu mikonko, kabili mukasekelele+ ku cinso ca kwa Yehova Lesa wenu inshiku cinelubali (7).

12 Kabili mukasekelele ku cinso ca kwa Yehova Lesa wenu,+ imwe na bana benu abaume na bana benu abanakashi na babomfi benu abaume na babomfi benu abanakashi no mwina Lebi uuli mu kati ka mpongolo shenu, pantu takwata impanga nelyo ubupyani pamo na imwe.+

11 Kabili ukasekelele+ pa busuma bonse ubo Yehova Lesa obe akupeela na ba mu ng’anda yobe, iwe no mwina Lebi no mulebeshi uuli mu kati kobe.+

10 Kabili atile kuli bena: “Kabiyeni, kalyeni ifya mafuta no kunwa ifyalowa, no kupeelako ifya kulya+ ku ushikwete nangu kamo; pantu buno bushiku bwa mushilo kuli Shikulu wesu, kabili mwiba no bulanda, pantu ukusekelela muli Yehova e bucingo bwenu.”

17 E fyo ulukuta lonse ulwa babwelele ukufuma muli bunkole lwapangile insakwe no kwikala mu nsakwe; pantu abana ba kwa Israele tabacitile ica musango uyo ukutula mu nshiku sha kwa Yoshua mwana Nuni+ ukufika na pali bulya bushiku, ica kuti kwaishileba ukusekelela ukukalamba nga nshi.+

18 Moneni! Ico ine namona ukuti e cisuma, kabili e calinga, ca kuti umuntu alelya no kunwa no kumona icisuma mu kubombesha+ kwakwe konse uko abombesha mwi samba lya kasuba pa nshiku shonse isha bumi bwakwe isho Lesa wa cine amupeela, pantu e cilambu cakwe.