5 Kabili abena Ai baipeye abantu nalimo amakumi yatatu na mutanda (36), kabili babakonkele+ ukufuma pa mpongolo ukufika na ku Shebarimu kabili bakonkenyepo ukubepaya na ku mutentemuko. Awe imitima ya bantu yaiketwe umwenso no kusunguluka yaba nga menshi.+

24 Nomba Yoshua pamo na bena Israele bonse, babuulile Akani+ mwana Sera na silfere ne ca kufwala caibela ne cipimfya ca golde+ na bana bakwe abaume na bana bakwe abanakashi no kubatwala mu mpanga iyabatama iya Akore,+ pamo ne ng’ombe shakwe ne mpunda shakwe ne mpaanga shakwe ne tenti lyakwe na fyonse ifyakwe.

25 E lyo Yoshua atile: “Nga cinshi ico watuletelela?+ Yehova aleleta ububi pali iwe lelo.” Awe abena Israele bonse bamupoolele amabwe,+ e lyo babocele mu mulilo.+ E fyo babapoolele amabwe.