3 E lyo umulume wakwe aimine no kumukonkela ukuti alande nankwe amashiwi ayasuma pa kuti amubweshe; kabili ali no mubomfi+ wakwe ne mpunda ishilume shibili. E ico uyu mwanakashi amwingishe mu ng’anda ya kwa wishi. Ilyo wishi wa mukashana amumwene, apo pene alisekelele pa kumumona.

9 Umwaume+ nomba alimine ukuti aleya, pamo na kanakashi+ wakwe no mubomfi+ wakwe; lelo shifyala, wishi wa mukashana, atile: “Mona, nomba! Akasuba kaya kalewa. Sendama kuno.+ Akasuba nomba kalawa. Sendama kuno ubushiku, kabili leka umutima obe usansamuke.+ Kabili mailo mukema ulucelo no kutendeka ulwendo lwenu, e lyo ukaye kwi tenti lyobe.”