5 Kabili kasesema+ ulya nelyo uulota ifiloto akepaiwe,+ pantu asosa ifya kupondokela Yehova Lesa wenu, uwamufumishe mu calo ca Egupti no kumulubula mu ng’anda ya busha, no kumufumya mu nshila iyo Yehova Lesa wenu amwebele ukwendamo;+ e ico mukafumye icabipa mu kati kenu.+

15 “Lelo nga tamwakomfwile ishiwi lya kwa Yehova Lesa wenu pa kubika amano ku kukonka amafunde yakwe yonse ne fipope fyakwe ifyo ndemweba lelo, ifitiipu fyonse ifi fikesa pali imwe no kumusanga:+

16 Yehova nomba atile kuli Mose: “Mona! Walalaala nge fyalaala ifikolwe fyobe;+ kabili aba bantu bakema+ no kucita bucilende na balesa bambi bambi aba mu calo ico baleyako,+ mu kati kabo, kabili bakansuula+ no kupula mu cipangano candi ico napangana na bo.+