31 Pa numa bamunyina na bonse aba mu ng’anda ya kwa wishi balishile no kumwimya e lyo bamusendele no kuyamushiika pa kati ka Sora+ na Eshtaole+ mu nshiishi ya kwa Manoa+ wishi. Kabili apingwile abena Israele pa myaka amakumi yabili (20).+

2 Abana ba kwa Dani basukile batuma abaume basano aba mu lupwa lwabo, abantu babo, abantu abali aba maka, abafumine mu Sora+ na mu Eshtaole,+ ukuti bayelengula+ icalo no kucibebeta. E lyo babebele abati: “Kabiyeni, kabebeteni icalo.” Awe bafikile mu calo ca mpili ica kwa Efraimu+ ku ng’anda ya kwa Mika+ kabili e ko balele ubushiku.