10 “‘Kabili umutuulo wakwe uwa koca nga ufumine pa mpaanga,+ nangu pa bana ba basukusuku nelyo pa mbushi, akatuule iilume+ kabili iisuma.+

26 Kabili ukuule iciipailo kuli Yehova Lesa obe pa muulu wa ici cilibwe, utantike bwino bwino amabwe pa kucikuula, kabili usende ing’ombe iilume iinono iya bubili no kuipeela ilambo pa nkuni sha cimuti caimikwa ico uleputula.”

38 Awe umulilo+ wa kwa Yehova waliponene no koca umutuulo wa koca+ ne nkuni na mabwe no lukungu, wakamishe na menshi ayali mu mukolwa.+