10 Umupashi+ wa kwa Yehova nomba waishile pali ena, kabili atendeke ukupingula Israele. Ilyo aile ku kulwa inkondo, e lyo Yehova apeele Kushani-rishataimu imfumu ya Siria mu minwe yakwe ica kuti acimfishe+ Kushani-rishataimu.
29 Nomba umupashi wa kwa Yehova waishile pali Yefta,+ kabili apitile mu Gileadi na mu Manase no kupita mu Mispe wa mu Gileadi, kabili ukufuma mu Mispe wa mu Gileadi+ aile ku bana ba kwa Amone.
6 E lyo umupashi wa kwa Yehova waishile pali ena,+ ica kuti alepwile umusepela wa nkalamo pa kati, nga filya fine umuntu alepula umwana wa mbushi, kabili takwete nangu cimo mu minwe yakwe. Lelo taebeleko wishi nelyo nyina ico acitile.
10 E ico bafumine kulya no kuya ku lupili, kabili kulya kwali ibumba lya bakasesema abaishile ukuti bakumane nankwe; ilyo line umupashi wa kwa Lesa waishile pali ena,+ na o atampile ukusesema+ pa kati kabo.
13 Awe Samwele abuulile ulusengo lwa mafuta+ no kumusuba pa kati ka bamunyina. No mupashi wa kwa Yehova watampile ukubomba pali Davidi ukutula pali bulya bushiku.+ Pa numa ya ifyo Samwele alimine no kuya ku Rama.+