16 Pa bantu bonse aba, pali abaume abacenjela imyanda cinelubali (700) abalebomfya amaboko yabo aya ku kuso.+ Onse pali aba alesukusa ilibwe+ ku kantu akali ngo mushishi ubunono no kupusa iyo.

29 Nga bantu baima ku kumukonka no kufwaya umweo wenu, Yehova Lesa+ wenu akamucingilila ifyo umuntu acingilila ifyuma fyakwe no kufibika mu mufuko;+ lelo, imyeo ya balwani benu, akaisukusa kwati libwe ukufuma mu cisukushilo.+

14 Kabili Usia ena alepekanishisha abali mwi bumba lya nkondo bonse inkwela+ na mafumo+ ne fya kucinga umutwe+ ne fya kucinga icifuba+ na mata+ na mabwe ya mu fisukushilo.+