16 Lelo, ni pali ici nakulekela ukuba no mweo,+ pa kuti umone amaka yandi kabili pa kuti ishina lyandi lishibikwe mu calo conse.+

10 Kabili abantu na bantu aba pano isonde bakamona ukuti ishina lya kwa Yehova lyainikwa pali imwe,+ kabili bakamutiina.+

43 na imwe mukomfwe mu muulu, mu bwikalo bwenu ububelelela,+ kabili mukacite ukulingana na fyonse ifyo uwa ku calo cimbi akamulomba;+ pa kuti aba pano isonde bonse batiine ishina+ lyenu na pa kuti batiine imwe nge fyo abantu benu abena Israele bamutiina, kabili pa kuti beshibe ukuti ishina lyenu lyainikwa pa ng’anda ino iyo nakuula.+

36 Nomba pa nshita+ ya kutuula umutuulo wa ngano, e lyo Eliya apaleme ku ciipailo no kutila: “Mwe Yehova, Lesa wa kwa Abrahamu,+ Isaki+ na Israele,+ buno bushiku lekeni cishibikwe ukuti ni mwe Lesa mu Israele+ no kuti ine ndi mubomfi wenu no kuti nacita fyonse ifi ukulingana na mashiwi yenu.+

19 E ico nomba, mwe Yehova Lesa wesu,+ tupususheni+ mu minwe yakwe, pa kuti amabufumu yonse aya pano isonde yeshibe ukuti imwe, mwe Yehova ni mwe Lesa mweka.”+

10 Yehova nalenga inko shonse ukumona ukuboko kwakwe ukwa mushilo;+ kabili impela shonse ishe sonde shikamona ukupususha kwa kwa Lesa wesu.+

29 E ico ndepanga ifunde,+ ilya kuti abantu na bantu bonse, aba nko nelyo indimi abasosa icabipa pali Lesa wa kwa Shadraki, Meshaki na Abednego bakatungulwe ifilundwa,+ na mayanda yabo yakasangulwe ifimbusu fya cintubwingi;+ pantu takuli lesa umbi nakalya uwingapokolola ngo yu.”+