25 Buno bushiku ndelenga abantu na bantu aba mwi samba lya muulu onse abakomfwa ilyashi pali imwe ukumutiina no kuba no mwenso; kabili pa mulandu wa imwe bakatutuma no kucula nga filya umwanakashi acula pa kupaapa.’+

25 Takuli nangu umo uukeminina pa ntanshi yenu.+ Yehova Lesa wenu akalenga aba mu calo+ conse ico mwanyantapo ukumutiina no kuba no mwenso, nga filya fine amulaile.

9 Kabili atile ku baume balya: “Ninjishiba ukuti nangu cibe shani Yehova akamupeela cino calo,+ kabili tulemutiina,+ na bekashi bonse aba muli cino calo nabanenuka pa mulandu wenu.+