7 E lyo Yehova atile kuli Gideone: “Kuli aba bantu imyanda itatu (300) abacikabaula amenshi e ko nkamupusushisha, kabili nkapeela Midiani mu minwe yobe.+ Kumfwa aba bambi bonse, baleke babwelelemo umuntu onse ku mwakwe.”

6 E ico Yonatani aebele umubomfi uwalemusendela ifyanso ati: “Isa, natuye twabukile ku nkambi ya aba bantu bashasembululwa.+ Napamo Yehova kuti atwafwa, pantu takuli icingalesha Yehova ukupususha ukubomfya abantu abengi nangu abanono.”+

9 e ulenga umuntu uwakosa ukuti bamupoke ifipe, kabili e ulenga ukuti icifulo ca malinga bacipoke ifipe.

27 lelo Lesa asalile abawelewele ba muli ici calo,+ ku kulenga aba mano bekatwe insoni; kabili Lesa asalile abanaka aba pano calo, ku kulenga abakosa bekatwe nsoni;+

9 lelo Shikulu anjebele ati: “Icikuuku ico nakulanga kale calikulinga;+ pantu mu kunaka+ kobe e mo amaka yandi yamonekesha.” E ico, ndeitakisha nga nshi no kusekelela mu kunaka+ kwandi, pa kuti amaka ya kwa Kristu yabe pali ine nge tenti lya kwikalamo.