8 Kabili mu mwaka walenga bubili ukutula apo baishiile ku ng’anda ya kwa Lesa wa cine ku Yerusalemu, mu mweshi walenga bubili,+ Serubabele+ mwana Shealtiele+ na Yeshua+ mwana Yehosadaki na bamunyinabo bambi, bashimapepo na bena Lebi, na bonse abaishile ku Yerusalemu ukufuma muli bunkole+ batendeke umulimo; basontele na bena Lebi+ ukutendekela pa ba myaka amakumi yabili (20) no kucilapo ukulatungulula umulimo wa pa ng’anda ya kwa Yehova.+

2 E lyo Serubabele+ mwana Shealtiele+ na Yeshua+ mwana Yehosadaki baimine no kutendeka ukukuula cipya cipya ing’anda ya kwa Lesa, iyali mu Yerusalemu; kabili bali na bakasesema+ ba kwa Lesa abalebafwilisha.

14 Kabili Yehova acincishe+ Serubabele mwana Shealtiele, umulashi wa calo ca Yuda, na Yoshua+ mwana Yehosadaki shimapepo mukalamba, na bonse abasheleko pa bantu; na bo balaingila no kubomba umulimo mu ng’anda ya kwa Yehova Lesa wabo uwa mabumba.+

3 Kabili anangile Yoshua+ shimapepo mukalamba uwaiminine pa ntanshi ya kwa malaika wa kwa Yehova, na Satana+ aiminine ku kwa kulyo kwakwe ukuti amukaanye.+