12 Awe bakalemba+ ba mfumu balitilwe mu mweshi wa ntanshi pa bushiku bwe kumi na shitatu (13), kabili balembele+ ukulingana na fyonse ifyo Hamani aebele aba kucingilila ubufumu aba mfumu na balashi abalashiikwe mu fitungu fya bulashi ifyalekanalekana,+ na bacilolo ba mabumba yalekanalekana aya bantu, aya muli cila citungu ca bulashi, ukulingana no musango wa milembele yabo,+ kabili ukulingana no lulimi ulo cila mutundu ulanda; mwi shina+ lya Mfumu Ahasuerusi e mo balembeele kabili pa fyalembelwe pafwatikwe inindaminwe ya kufwatikilako iya mfumu.+

14 Icayambulwa ca fyalembelwe icali no kupeelwa nge funde+ mu fitungu fya bulashi ifyalekanalekana+ casabankanishiwe ku bantu na bantu bonse, pa kuti baiteyanishishe kuli ubu bushiku.