27 Ilambo lya babifi ca bunani.+ Pali bufi nga lyapeelwa no muntu uwailekelesha.+

11 “Bushe amalambo ayengi ayo mupeela ya nshi kuli ine?” e fyo Yehova asosa. “Nintendwa ne mituulo yenu iya koca+ iya basukusuku+ na mafuta ya nama shaina;+ kabili nshatemwa+ umulopa+ wa bana ba ng’ombe abalume no wa mpaanga ishilume no wa basawe.+

3 “Uuleipaya inama ali ngo uleipaya umuntu.+ Uulepeela impaanga ilambo ali ngo ulefuna umukoshi wa mbwa.+ Uuletuula ubupe ali ngo uletuula umulopa wa nkumba!+ Uulepeela ifyanunkila bwino+ pa kuti fibe icibukisho ali ngo ulelanda amashiwi ya finjelengwe+ ilyo alepaala. Kuli na basala ukukonka inshila shabo abene, kabili abatemwa ifya bunani fyabo.+

20 “Nomba fya nshi ifi, libani uwafuma ku Sheba+ ne cimenwa canunkila icafuma ku calo ca kutali? Nshatemwa imituulo yenu yonse iya koca,+ na malambo yenu tayansekesha nakalya.”+

23 “We bulanda kuli imwe, mwe bakalemba na baFarise, mwe ba bumbimunda mwe! pantu mupeela ica pe kumi (10)+ ica minte na dilu na kumini.* Lelo mwalisuula ifyacindama ifyaba mu Mafunde, e kutila, umulinganya+ no luse+ ne cishinka.+ Kwena mufwile ukulacita ifi fintu, lelo tamufwile ukusuula ifintu fimbi iyo.