7 Ukuteka+ kwakwe kukaba fye konse konse na ku mutende wakwe takwakabe impela,+ pa cipuna ca bufumu ica kwa Davidi+ na pa bufumu bwakwe pa kuti akabupampamike+ no kubukosesha ku mulinganya+ na ku bulungami,+ ukufuma nomba mpaka umuyayaya. Ukupimpa kwa kwa Yehova wa mabumba kukacita ici.+

5 Kabili ubulungami bukaba e mushipi wa mu musana wakwe,+ ne cishinka cikaba umushipi wa mu musana wakwe.+

5 “Moneni! Inshiku shileisa,” e fyasosa Yehova, “ilyo nkemya impyani* yalungama iya kwa Davidi.+ Kabili imfumu iikateka,+ ikaba no mucetekanya no mulinganya no bulungami mu calo.+

9 “Angisha, we mwana mwanakashi Sione.+ Welesha ukuwelesha kwa kucimfya,+ we mwana mwanakashi Yerusalemu. Mona! Imfumu+ yobe ileisa kuli iwe.+ Yalilungama, kabili bali-ipususha;+ yali-icefya,+ kabili ileisa pa mpunda, pa mpunda iikalamba, pa mwana wa mpunda iikota.+

9 Watemenwe ubulungami, no kupata ifyabipa. E mulandu wine Lesa, Lesa obe, akusubile+ amafuta ya kwaanga ayengi ukucila abanobe.”+

11 Kabili namwene umuulu waisuka, kabili moneni kabalwe uwabuuta.+ No waikelepo etwa ati Uwa Cishinka+ kabili Uwa Cine,+ na mu bulungami e mo apingwila no kulwila.+