9 E lyo atile: “Kabiye, no kusosa kuli aba bantu auti, ‘Umfweni imiku iingi, lelo mwi-iluka; kabili moneni imiku iingi, lelo mwi-ishiba.’+

10 Abalinshi bakwe balipofula.+ Tapali nangu umo pali bena uumona.+ Bonse ni mbwa shicibulu; tashibosa,+ shipemashika fye, no kulaala, kabili shatemwa fye ukushipula.+

61 Umupashi wa kwa Shikulu Mulopwe Yehova waba pali ine,+ pantu Yehova alinsuba+ ukuti mbile imbila nsuma ku bafuuka.+ Alintuma ku kukakilila abali no bulanda,+ ku kubila ukulubuka kuli bankole+ no kubila pa kuti amenso ya bafungwa yesuke;+

22 Pantu abantu bandi bawelewele.+ Tabanjishiba.+ Bana abashakwata amano; kabili abashaba na mucetekanya.+ Baba fye na mano ya kucita ububi, lelo tabaishiba ukucita icisuma.+

2 “We mwana wa muntu, uleikala mu ba mu ng’anda ya bacipondoka,+ abakwata amenso lelo tabamona,+ abakwata amatwi lelo tabomfwa,+ pantu ba mu ng’anda ya bacipondoka.+

18 “Umupashi wa kwa Yehova+ waba pali ine, pantu ansubile ukuti mbile imbila nsuma ku bapiina, antumine mu kubila ukuti abafungwa bakalubulwa no kushibula amenso ya mpofu, no kulubula abanyanyantilwa,+

4 abashatetekela+ abo lesa wa bwikashi+ buno apofwisha amatontonkanyo, ku kulesha+ ukubalika+ muli bena ulubuuto lwa mbila nsuma+ ya bukata bwa kwa Kristu, uuli cipasho+ ca kwa Lesa.