2 “Bilisheni mu nko no kusabankanya.+ Kabili imyeni icishibilo;+ cisabankanyeni. Mwifisa nangu cimo. Soseni amuti, ‘Babiloni napokwa.+ Bele* naseebana.+ Merodaki ali no mwenso. Ifimpashanya fyakwe nafilengwa insoni.+ Ifimpashanya fyakwe ifya bunani fili no mwenso.’

12 Imyeni icishibilo+ pa malinga ya Babiloni. Koselesheni ubulinde. Bikeni abalinshi.+ Teyanyeni aba kubelamina.+ Pantu Yehova natontonkanyapo kabili akacita ifyo alandile pa bekashi ba mu Babiloni.”+

27 “Imyeni icishibilo mu calo, mwe bantu.+ Lisheni intandala mu nko. Pekanyeni+ inko shiye ku kumulwisha. Iteni ubufumu bwa Ararati,+ no bwa Manai, no bwa Ashikenasi+ ku kuyamulwisha. Ebeni no mukalamba wa kulemba abashilika ukuti amwimine. Lekeni bakabalwe+ baye nga makanta wa myunga.