28 nkapusana na imwe mu bukali,+ na kabili nkamulimuna imiku cinelubali (7) pa membu shenu.+

18 “Pantu Yehova wa mabumba, Lesa wa kwa Israele, atila, ‘Filya fine ubukali bwandi ne cipyu fyaishile pa bekashi ba mu Yerusalemu,+ e fyo ne cipyu candi cikesa pali imwe pa mulandu wa kuya ku Egupti, kabili mukaba abatiipwa, kabili ica kupapa kabili abo balapisha kabili mukaseebana,+ kabili tamwakamone cino cifulo na kabili.’+