8 Nomba buuleni ing’ombe ishilume cinelubali (7) na bana ba mpaanga+ cinelubali kabili muye na fyo ku mubomfi wandi Yobo,+ e lyo mutuule umutuulo wenu uwa koca; na Yobo umubomfi wandi alemupepelako.+ Ena eka e o ndeumfwa pa kuti nimucita ukulingana no bupumbu bwenu, pantu tamwasosele icishinka pali ine, ngo mubomfi wandi Yobo.”+

40 “‘Pantu mu lupili lwandi ulwa mushilo, mu lupili ulutali ulwa kwa Israele,’+ e fyasosa Shikulu Mulopwe Yehova, ‘e mo bakamombela aba mu ng’anda ya kwa Israele bonse, bonse fye, mu calo.+ Mulya e mo nkasekelela muli bena, kabili e mo nkafwaya imisangulo yenu ne fisabo fya ntanshi ifya mituulo yenu iya fya mushilo fyenu.+

12 Mwe bamunyinane, ndemupapaatila ku nkumbu sha kwa Lesa ukuti mutuule imibili+ yenu nge lambo+ ilituntulu,+ ilyasanguluka,+ ilingapokelelwa kuli Lesa,+ e kutila ukubombela+ Lesa na maka yenu aya kupelulula.+

5 na imwe mwe mabwe ya mweo, ninshi mulekuulwa ukuba ing’anda+ ya kwa Lesa pa mulandu wa bushimapepo bwa mushilo, ku kutuulila Lesa amalambo+ ya ku mupashi ayapokelelwa muli Yesu Kristu.+