8 E lyo yafumishe bashimapepo bonse mu misumba ya mu Yuda, pa kuti ilenge ififulo fya kupepelapo ukuba ifishalinga ukupepelapo, apo bashimapepo balefutumwina icushi ca malambo, ukufuma ku Geba+ ukufika na ku Beresheba;+ yabongolwele ne fifulo fya kupepelapo pa mpongolo ifyali pa mwinshi wa kwa Yoshua, umukalamba wa musumba, iyabelele ku kuso ngo muntu aleingila pa mpongolo ya musumba.

5 Kabili abebele ati: “Umfweni kuli ine, mwe bena Lebi. Nomba isangululeni+ no kusangulula ing’anda ya kwa Yehova Lesa wa fikolwe fyenu, kabili fumyeni ifyakowela mu ncende ya mushilo.+

34 Kumfwa ishamfumu shesu, bacilolo besu, bashimapepo besu ne fikolwe fyesu,+ tabakonkele amafunde+ yenu, nangu ukubika amano ku malango+ yenu atemwa ku fya kucinkulako fyenu ifyo mwalebasokelamo.+

11 “Pantu kasesema na shimapepo bonse bali abakowela.+ Kabili ninsanga ububi bwabo mu ng’anda yandi,”+ e fyasosa Yehova.

12 E lyo atile kuli ine: “We mwana wa muntu, bushe wamona ifyo abakalamba ba mu ng’anda ya kwa Israele balecita mu mfifi,+ cila muntu mu muputule wakwe umwaba ifyo balenga? Pantu baletila, ‘Yehova tatumona.+ Yehova alisha icalo.’”