11 Kabili muli ubo bushiku, Yehova na kabili akatambika ukuboko kwakwe, umuku wa bubili,+ pa kuti abuule abashalapo pa bantu bakwe abakashalapo ukufuma ku Asiria+ na ku Egupti+ na ku Patrose+ na ku Kushi+ na ku Elamu+ na ku Shinari+ na ku Hamati na ku fishi fya pali bemba.+

10 “Lelo iwe, we mubomfi wandi Yakobo, witiina,” e fyasosa Yehova, “kabili witutuma, we Israele.+ Pantu mona, nkakupususha ukufuma ukutali na bana bobe ukufuma mu calo umo baba muli bunkole.+ Kabili Yakobo akabwela no kwikala mu mutelelwe na mu mutende, takwakabe na wa kutiinya.”+

37 ‘Moneni, nkabalonganika bonse ukufuma mu fyalo fyonse umo nkabapashila mu bukali bwandi na mu cipyu candi na mu cifukushi candi;+ nkabaleta na kuli cino cifulo no kubaleka bakekale umutelelwe.+

42 “‘Na imwe mukeshiba ukuti nine Yehova,+ ilyo nkamutwala mu mpanga ya kwa Israele,+ mu calo ico naimishepo ukuboko kwandi no kulapa ukuti ndi no kucipeela ku fikolwe fyenu.

13 Nkashifumya+ na mu bantu no kushilonganya ukufuma mu fyalo no kushileta mu calo ca shiko+ no kushiliishisha pa mpili sha kwa Israele, mu milonga na monse umwa kwikala mu calo.+

24 Kabili nkabuula imwe ukufuma mu nko no kumulonganika ukufuma mu fyalo fyonse no kumutwala mu calo cenu.+

12 E ico sesema, no kutila kuli bena, ‘Shikulu Mulopwe Yehova atila: “Moneni ndeisula inshiishi shenu,+ kabili nkamufumya mu nshiishi shenu, mwe bantu bandi, no kumutwala mu calo ca Israele.+

14 Kabili nkabwesha bankole ba bantu bandi abena Israele,+ kabili bakakuula ne misumba iyali ifibolya no kwikalamo,+ bakalima na mabala ya myangashi no kunwako umwangashi, kabili bakalima amabala no kulyako ifisabo.’+