7 “Pa numa ya ici namwene mu fimonwa fya bushiku, kabili, moneni! icinama icalenga bune, ica kutiinya kabili ica kusakamika kabili ica maka ayakalamba.+ Kabili cali na meno ya cela, ayakulisha. Calelya no kukokotaula, kabili calenyantaula ne fyashalapo ku makasa ya ciko. Kabili calipuseneko ku finama fyonse fimbi ifyabalilepo, kabili cali ne nsengo ikumi (10).+

23 “Ne fi e fyo atile, ‘Icinama icalenga fine, cikaba bufumu ubwalenga bune pano isonde, ubukapusanako ku mabufumu yonse yambi; kabili bukapoka pano isonde ponse no kupanyantaula no kupatobaula.+

20 “Kabili ilyo mukamona abashilika bashinguluka+ umusumba wa Yerusalemu, mukeshibe ukuti uli mupepi no konaulwa.+