6 Mu nshiku sha iko Yuda akapusuka,+ kabili Israele akekala umutelelwe.+ Ne shina akenikwa ni ili, Yehova E Bulungami Bwesu.”+

25 “‘E fyo Shikulu Mulopwe Yehova atila: “Ilyo nkalonganya aba mu ng’anda ya kwa Israele ukufuma mu nko umo basalanganina,+ nkacindikwa mu kati kabo mu menso ya nko.+ Na bo bakekala mu calo cabo+ ico napeele umubomfi wandi Yakobo.+

21 “E lyo ukabebe auti, ‘Shikulu Mulopwe Yehova atila: “Moneni, nkabuula abana ba kwa Israele mu nko isho bayamo, nkabalonganya monse monse no kubaleta mu calo cabo.+

14 Kabili nkabwesha bankole ba bantu bandi abena Israele,+ kabili bakakuula ne misumba iyali ifibolya no kwikalamo,+ bakalima na mabala ya myangashi no kunwako umwangashi, kabili bakalima amabala no kulyako ifisabo.’+