3 Kabili usose pa bena Amone auti, ‘Umfweni amashiwi ya kwa Shikulu Mulopwe Yehova. Shikulu Mulopwe Yehova atila: “Apo wasosa auti Eya! ilyo bakowesha umwa mushilo mwandi, ilyo icalo ca Israele caba icibolya, na lintu aba mu ng’anda ya kwa Yuda, baya muli bunkole,+

8 “Ning’umfwa imiponto ya kwa Moabu+ no musaalula wa bana baume aba kwa Amone,+ ifyo balepontela abantu bandi no kulaituumika ku kulwisha umupaka wabo.