12 Na Yehoyakini imfumu ya Yuda asukile aya ku mfumu ya ku Babiloni,+ ena pamo na nyina+ na babomfi bakwe na bacilolo bakwe na bacilolo ba kwi sano; ne mfumu ya ku Babiloni yalimusendele mu mwaka walenga cinekonsekonse (8)+ uwa kuteka kwakwe.

11 Na bantu abashele+ mu musumba na bafulumwike abaitwele ku mfumu ya Babiloni na bambi abashele, Nebusaradani umukalamba wa balinshi alibasendele muli bunkole.+