20 Ibukisheni amashiwi ayo namwebele, ukuti, Umusha tacila pali shikulu wakwe. Nga bacushishe ine, na imwe bakamucusha;+ nga bakonkele amashiwi yandi, bakakonka na mashiwi yenu.
19 E ico ilyo baipeye Stefani, abasambi e pa kusalangana,+ ico abaYuda balebacusha nga nshi. Baendele ukufika ku Foinike+ na ku Kupro+ na ku Antioke, lelo tabalelanda ku muntu umbi kano fye ku baYuda.+
10 Witiina ifyo walaswa uculeko.+ Moneni! Satana Kaseebanya+ alatampa ukupoosa bamo pali imwe mu cifungo pa kuti mukeshiwe nga nshi,+ no kuba mu bucushi+ inshiku ikumi (10). Ube uwa cishinka ukufika na ku mfwa,+ na ine nkakupeela icisote ca bufumu ica mweo.+