45 Umutima wandi wakulunkuntila umulandu usuma.+

Ndetila: “Imilimo yandi ikumine mfumu.”+

Shi ululimi lwandi lube nga kalembelo+ ka wacenjela ukukopolola.+

 2 Mwandi waliyemba ukucila abana baume ba bantu.+

Ukuyemba kwaitikila pa milomo yobe.+

E co Lesa akupaalila umuyayaya.+

 3 Kakila ulupanga+ lobe pe tanta lyobe, we mpalume,+

Kaka no bukata bobe no bucindami bobe.+

 4 Kabili mu bucindami bobe kabiye ulecimfya;+

Nina pali kabalwe obe pa mulandu wa cishinka no kuiceefya no bulungami,+

Kabili ukuboko kobe ukwa ku kulyo kukakulanga ifya kutiinya.+

 5 Imifwi yobe yalitwa mu mitima ya balwani ba mfumu+

Inko shiwila mwi samba lyobe.+

 6 Lesa e cipuna cobe ica bufumu umuyayaya, umuyayaya;+

Inkonto ya bufumu bobe ni nkonto ya bulungami.+

 7 Walitemwa ubulungami+ kabili wapata ifyabipa.+

E mulandu wine Lesa, Lesa obe,+ akusubila+ amafuta aya kwaanga+ ayengi ukucila abanobe.+

 8 Ifya kufwala fyobe fyonse finunkila muri* na aloye na kasia;+

Mwi sano lyapuulama ilya meno ya nsofu+ ifilimba fya nsale fyakulenga ukusekelela.

 9 Abana banakashi+ ba mfumu bali pa banakashi bobe abo watemwisha.

Namfumu+ aiminina ku kuboko kobe ukwa ku kulyo nafwala golde ya ku Ofiri.+

10 Umfwa, we mwana mwanakashi, no kumona, kabili teyamika ukutwi kobe;

Laba abantu bobe ne ng’anda ya kwa wiso.+

11 Awe imfumu ikakumbwa ukuyemba kobe,+

Pantu yena ni sokulu,+

E co ikontamine.+

12 Umwana mwanakashi wa ku Turi na o e po ali ne ca bupe+—

Abakankaala ba mu bantu baesha ukukunakilisha.+

13 Umwana mwanakashi wa mfumu aba no bukata bonse mu kati ka ng’anda;+

Mu fya kufwala fyakwe balipikwilamo utwa golde.

14 Akaletwa ku mfumu mu fya kufwala fyapikulwa.+

Aletwa kuli iwe pamo na banankwe, banacisungu abali ku numa yakwe.+

15 Bakaletwa no kusekelela no kwaanga;

Bakengila mwi sano lya mfumu.

16 Apali ifikolwe+ fyobe pakaba abana bobe abaume,+

Abo ukacita bacilolo mwi sonde lyonse.+

17 Nkalumbula ishina lyenu mu nkulo shonse ishikesa.+

E co abantu na bantu bakamulumbanishisha umuyayaya, kabili pe na pe.