19 Lesa na o atile: “Sara umukashi obe akakufyalila umwana umwaume, na iwe ukamwinike ati Isaki.+ Kabili nkapangana nankwe icipangano candi ku kuba icipangano ca muyayaya ku bana bakwe abakesa pa numa.+

20 Mukalanga ukuti muli ba cishinka kabili muli ba cikuuku kuli Yakobo, na kuli Abrahamu, pa kufikilisha ifyo mwalapile ku fikolwe fyesu ifya ku kale.+ 

16 Awe ifilayo fyalailwe kuli Abrahamu+ na ku mwana+ wakwe. Ilembo talyatile: “Na ku bana,” kwati ni ku bengi, lelo nga kuli umo:+ “Na ku mwana+ obe,” uyo e Kristu.+