3 Umfweni! Umuntu alebilikisha mu matololo,+ aleti: “Wamyeni inshila ya kwa Yehova!+ Lungamikileni Lesa wesu umusebo mu ciswebebe.+

3 Na kuba, uyu e o balandapo kuli kasesema Esaya+ mu mashiwi ayatila: “Umfweni! Umuntu alebilikisha mu matololo aleti, ‘Pekanyeni+ inshila ya kwa Yehova! Lungamikeni inshila shakwe.’”

17 Kabili akaya pa ntanshi yakwe na maka kwati ni Eliya,+ ku kupilibula imitima+ ya bashibo ica kuti baba abana no kupilibwila ababula icumfwila ku mano yene yene aya balungami, ku kupekanishisha+ Yehova+ abantu.”

76 Lelo iwe, we mwana, uketwa kasesema wa Wapulamo, pantu ukatangilila ku cinso ca kwa Yehova ku kupekanya inshila shakwe,+

27 Ni pali uyu wine balemba ati, ‘Mona! Ndetuma inkombe yandi pa ntanshi yobe,+ iikakukungwila inshila ku ntanshi yobe.’+

28 Imwe muli bakambone pa mashiwi nalandile aya kuti,+ Nshili Kristu, lelo, ine natuminwe ukumutangilila.+