6 Pantu umwana natufyalilwa,+ umwana umwaume napeelwa kuli ifwe;+ kabili bukateka bukaba pa kubeya kwakwe.+ Kabili akenikwa ati Kabilo wa cipesha amano,+ Lesa wa maka,+ Wishi wa pe,+ Cilolo wa mutende.+

10 Nomba muli ubo bushiku,+ kukaba umushila wa kwa Yese+ uukeminina ukuba icishibilo ku bantu na bantu.+ Inko shikalukila kuli ena no kumwipusha,+ kabili icifulo cakwe apa kutuushisha cikaba icacindama.+

15 e fyo akalenga ne nko ishingi ukupapa.+ Ishamfumu shikatalala tondolo kuli ena,+ pantu shikamona ifyo bashashishimikila, kabili shikabika amano ku fyo shishabalile ashumfwa.+

5 “Moneni! Inshiku shileisa,” e fyasosa Yehova, “ilyo nkemya impyani* yalungama iya kwa Davidi.+ Kabili imfumu iikateka,+ ikaba no mucetekanya no mulinganya no bulungami mu calo.+

2 “Na iwe, we Betelehemu Efrata,+ we wacepesha ica kutila tawingalinga no kupendelwa pa misumba ya mu Yuda,+ muli iwe+ e mukafuma uukaba kateka muli Israele,+ uo intulo yakwe ya ku kale, ku nshita sha muyayaya.+

7 “We lupanga, buukila kacema wandi,+ no mwaume wine wine umunandi,”+ e fyasosa Yehova wa mabumba. “Ipaya kacema,+ pa kuti impaanga sha mu mukuni shisalangane;+ na ine nkabwesesha ukuboko kwandi pa shacepa.”+

3 “Moneni! Ndetuma inkombe yandi,+ kabili ikawamya inshila ku ntanshi yandi.+ Awe mu kupumikisha kwi tempele+ lyakwe kukesa Shikulu+ wa cine, uo imwe mulefwaya, kabili inkombe+ ya cipangano+ iyo imwe mwatemwa.+ Moneni! ikesa,” e fyo Yehova wa mabumba asosa.+

44 E lyo atile kuli bena: “Aya e mashiwi ayo nalandile kuli imwe ilyo nali na imwe,+ ukuti fyonse ifyalembelwe pali ine mu mafunde ya kwa Mose na muli Bakasesema+ na mu Malumbo,+ fili no kufikilishiwa.”