12 Sekeleleni no kwanga,+ pantu icilambu+ cenu cikalamba mu muulu; pantu e fyo bacushishe na bakasesema+ abamutangilile.

25 Lelo lwa pa kati ka bushiku+ Paulo na Sila balepepa no kulumbanya Lesa mu nyimbo;+ na bafungwa balebomfwa.

3 Kabili te ico ceka, lelo natwange na lintu tuli mu bucushi,+ pantu twalishiba ukuti pa kuti kube ukushipikisha,+ kano kuli ubucushi;

10 E ico pa mulandu wa kwa Kristu nsansamukila mu kunaka kwandi, mu kupontelwa, mu kubulisha, mu kuncusha na mu mafya. Pantu ilyo ndi uwanaka, e lyo nkwata amaka.+

29 pantu kuli imwe kwapeelwe ishuko pa mulandu wa kwa Kristu, te kumutetekela+ fye, lelo no kumuculila+ kwine.

34 Pantu mwalelangulukilako abali mu cifungo no kusekelela ilyo mwapokelwe+ ifipe fyenu, pa kwishiba mwe bene ukuti muli ne cuma icawamisha kabili icibelelela.+

13 Lelo, mulesekelela+ pantu amacushi muleculako e yo na Kristu aculileko,+ e pa kuti na lintu ubukata bwakwe bukasokoloka+ mukasekelele no kwanga.