Ku ng’omba nkalamba pa Nkunda iyaba Tondolo iili pa baba ukutali. Ulwa kwa Davidi. Miktamu. Ilyo abaPelishiti bamwikete mu Gati.+
56 Mbeleleni uluse mwe Lesa, pantu umuntunse umwina kufwa antakaanya.+
Alwa na ine akasuba konse, no kuncusha.+
2 Abalwani bandi balentakaanya fye akasuba konse,+
Pantu balifula abalwa na ine nabaituumika.+
3 Ubushiku bonse ubo nkomfwamo umwenso, nkamutetekela.+
4 Muli Lesa e mo nkatashisha icebo cakwe.+
Natetekela muli Lesa; Nshakatiine.+
Cinshi umuntunse engancita?+
5 Akasuba konse banungulusha fye;
Amapange yabo yonse yali pali ine ku kuncita ububi.+
6 Balasansa, balabelama,+
Balalonsha intampulo shandi,+
Ilyo balaalilila umweo wandi.+
7 Pa mulandu wa bubi bwabo bakaaneni.+
Ku bukali bwenu tenuneni inko mwe Lesa.+
8 Mwalinemba ukuti ndi mbutushi.+
Bikeni ifilamba fyandi mu nyambi yenu.+
Bushe tafyalembwa mwi buuku lyenu?+
9 Pali ilya nshita abalwani bandi bakapilibuka, pa bushiku nkakuuta;+
Ici cena ninjishiba bwino, ukuti Lesa aba kuli ine.+
10 Muli Lesa+ e mo nkatashisha icebo cakwe;
Muli Yehova e mo nkatashishe cebo cakwe.+
11 Natetekela muli Lesa. Nshakatiine.+
Cinshi umuntunse engancita?+
12 Mwe Lesa, pali ine pali imilapo ya kulapa kuli imwe.+
Nkamutootela.+
13 Pantu mwapokolola umweo wandi ku mfwa+—
Bushe tamufumishe amakasa yandi ku kuipununa?+—
Pa kuti nyende ku cinso ca kwa Lesa mu lubuuto lwa ba mweo.+