Ku ng’omba nkalamba pa Maluba.+ Ulwa kwa Davidi.
69 Mpususheni, mwe Lesa, pantu nalanwena mu menshi.+
2 Naibila mu matipa ayashika, umushaba apa kwiminina.+
Natotobela mu menshi ayashika,
Kabili umukuku wa mumana wansenda.+
3 Nanaka pa mulandu wa kubilikisha;+
Pa mukoshi pasesa.
Yanaka amenso yandi ku kulolela Lesa wandi.+
4 Abampata apabula umulandu bafula ukucila umushishi wa ku mutwe wandi.+
Abafwaya ukunjipaya, abalwani bandi abo nshakwatila umulandu, bafula.+
Ico nshaibile e co nabweseshepo.
5 Mwe Lesa, mwalishiba ubuwelewele bwandi,
Kabili umulandu wandi tawafiswa kuli imwe.+
6 Shi mwileka abamulolela balengwe insoni pa mulandu wandi,+
Mwe Shikulu Mulopwe, Yehova wa mabumba.+
Mwileka abamufwaya baseebane pa mulandu wandi,+
Mwe Lesa wa kwa Israele.+
7 Pantu naseebanina pa mulandu wenu,+
Ukuseebana kwafimba icinso candi.+
8 Bamunyinane bankankamba,+
Kabili naba umwina fyalo ku bana ba kwa mayo.+
9 Pantu nalitemwisha ing’anda yenu,+
No museebanya wa bamuseebanya waponena pali ine.+
10 Awe nalililile no kuleka ukulya,+
Lelo kwali kuseebana fye.+
11 Ilyo nalengele ulusamu lwaba e ca kufwala candi,
Bena balenjebela mu mapinda.+
12 Abekala mu mpongolo batendeke ukulanda pali ine,+
Kabili nine baleimba mu nyimbo ilyo balenwa ifya kunwa ifikola.+
13 Lelo ine, napepele kuli imwe, mwe Yehova,+
Pa nshita yalinga, mwe Lesa.+
Pa mulandu wa cikuuku cenu icikalamba munjasuke no kulanga ukuti muli mupusushi wa cine.+
14 Mfumyeni mu lutikiti, ukuti nitotobela.+
Shi mpokololeni ku bampata+ na ku menshi ayashika.+
15 Mwileka umumana wa mukuku unsende,+
Kabili mwileka ukushika kuumine,
Nangu ukuleka icilindi cinjisalile mu kanwa ka ciko.+
16 Njasukeni, mwe Yehova, pantu icikuuku cenu cisuma.+
Alukileni kuli ine ukulingana ne nkumbu shenu ishingi,+
17 Kabili mwifisa icinso cenu ku mubomfi wenu.+
Njasukeni bwangu, pantu ndi mu bwafya ubukalamba.+
18 Palameni kuli ine, pususheni umweo wandi;+
Ndubuleni pa mulandu wa balwani bandi.+
19 Imwe mwalishiba ukuseebana kwandi ne nsoni shandi no kusaalulwa kwandi.+
Abalwani bandi bonse bali pa ntanshi yenu.+
20 Ukuseebana kwasakamika umutima wandi, kabili icilonda tacipola.+
Awe nalelolela uwa kunangulukilako, lelo tapali nangu umo;+
Na ba kunsansamusha, lelo nshabasangile.+
21 Lelo bampeele ifinkolwankolwa ukucila ukumpeela ifya kulya,+
Kabili pa mulandu wa cilaka candi bampatikishe ukunwa umwangashi wakantuka.+
22 Lekeni amaliila yabo yabe ulukose lwabo,+
Ne fya mutende fyabo fibe iciteyo.+
23 Lekeni amenso yabo yabe na kafifi pa kuti yemona;+
Kabili lengeni ne misana yabo ukusokona pe.+
24 Pongolweleni pali bena ubukali bwenu,+
Kabili lekeni ubukali bwenu ubupya ngo mulilo bubasange.+
25 Lekeni inkambi yabo iyashingulukwako ilinga ishale icibolya;+
Mu matenti yabo mwibamo umwikashi.+
26 Pantu uo mwauma balamubutusha,+
No kukalipwa kwa bantu mulasa balakulondolola.
27 Lundenipo ulubembu pa membu shabo,+
Kabili mwibaleka bengile mu bulungami bwenu.+
28 Lekeni bafuutwe mwi buuku lya ba mweo,+
Kabili belembelwa pamo na balungama.+
29 Lelo ine nacula kabili ndekalipwa.+
Mwe Lesa, lekeni ukupususha kwenu kuncingilile.+
30 Nkalumbanya ishina lya kwa Lesa mu lwimbo,+
Kabili nkamucindikila mu lwa kutootela.+
31 Kabili lukawama kuli Yehova ukucila ing’ombe iilume,+
Ukucila ing’ombe iilume iinono iyamena insengo kabili iyalepuka amabondo.+
32 Abafuuka bakamona kwena; bakasekelela.+
Mwe balefwaya Lesa, lekeni ne mitima yenu ibe no mweo.+
33 Pantu Yehova alekutika ku bapiina,+
Kabili takalekeleshe abafungwa bakwe.+
34 Lekeni imyulu ne sonde fimulumbanye,+
Babemba na fyonse ifyabamo.+
35 Pantu Lesa umwine akapususha Sione+
Kabili akakuula imisumba ya kwa Yuda;+
Kabili bakekala mulya ne mpanga ikaba yabo.+
36 Kabili abana ba babomfi bakwe bakaipyana,+
Na batemwa ishina lyakwe e bakekalamo.+