1 Imilandu
16 E fyo baingishe+ icipao ca kwa Lesa wa cine no kucibika mwi tenti ilyo Davidi acipangiile;+ kabili batuulile amalambo ya koca na malambo ya mutende kuli Lesa wa cine.+ 2 Ilyo Davidi apwishishe ukutuula umutuulo wa koca+ na malambo ya mutende,+ apaalile+ abantu mwi shina ilya kwa Yehova.+ 3 Kabili, ayakenye+ abena Israele bonse, abaume na banakashi, cila muntu umukate umo uwabulungana no mukate wapangilwa ku fisabo fya tuncindu ne fimama fya myangashi. 4 Kabili pa ntanshi ya cipao ca kwa Yehova abikilepo abena Lebi+ bamo ukuti balebombela palya,+ pa kuti baleibukisha+ no kutasha+ no kulumbanya+ Yehova Lesa wa kwa Israele, 5 Asafi+ umukalamba, no wa bubili kuli ena Sekaria, na Yeiele na Shemiramote na Yehiele na Matitia na Eliabu na Benaya na Obedi-edomu na Yeiele,+ bali ne filimba fya nsale na bansango,+ kabili Asafi+ akwete amalimba ayalelila sana,+ 6 e lyo bashimapepo Benaya na Yahasiele balelisha amapenga+ lyonse pa ntanshi ya cipao ca cipangano ca kwa Lesa wa cine.
7 Ni pali ubu bwine bushiku e po Davidi apeele umusangulo+ umuku wa kubalilapo pa kuti atashishe+ Yehova muli Asafi+ na bamunyina, ukutila:
8 “Tooteleni Yehova,+ mwe bantu; lilileni kwi shina lyakwe,+
Lekeni imilimo yakwe ishibikwe ku bantu na bantu!+
12 Ibukisheni ifipesha amano ifyo acita,+
Ifipapwa fyakwe no bupingushi ubwafuma mu kanwa kakwe,+
13 Mwe bana ba kwa Israele umubomfi wakwe,+
Mwe bana ba kwa Yakobo, mwe basalwa bakwe.+
14 Ena ni Yehova Lesa wesu;+ Ubupingushi bwakwe bwaba fye mwi sonde lyonse.+
15 Ibukisheni icipangano cakwe umuyayaya,+
Amashiwi ayo alandile, ku nkulo ikana limo (1,000),+
16 Icipangano ico apangene na Abrahamu,+
No mulapo uo alapile kuli Isaki.+
17 Kabili uo alekele ukuba icipope ca pe kuli Yakobo,+
Ukuba icipangano ca muyayaya na kuli Israele,+
18 Ilyo atile, ‘Kuli iwe e ko nkapeela icalo ca Kanaani,+
Ukuba icalo cenu ica bupyani.’+
20 Kabili bale-endauka ukufuma ku luko no luko,+
Kabili ukufuma ku bufumu bumo ukuya ku bantu bambi.+
21 Tasuminishe nangu umo ukubafyenga,+
Lelo pa mulandu wabo akalipile ishamfumu,+
22 Atile, ‘Mwikumya abasubwa bandi,
Kabili mwicita icabipa nangu cimo kuli bakasesema bandi.’+
24 Shimikeni ubukata bwakwe mu nko,
Ku bantu na bantu ifipesha amano fyakwe.
25 Pantu Yehova mukulu kabili alilinga ukumulumbanya nga nshi,+
Kabili alilinga ukumutiina ukucila balesa bambi bonse.+
28 Peeleni Yehova, mwe ndupwa sha bantu na bantu,
Peeleni Yehova ubukata kabili ishibeni ukuti wa maka.+
29 Peeleni Yehova ubukata ubwalinga ishina lyakwe,+
Sendeni ubupe no kwisa ku cinso cakwe.+
Kontameni kuli Yehova mu fya kufwala fya mushilo.+
30 Kalipweni nga nshi pa mulandu wakwe, mwe bantu bonse aba pe sonde!
Kabili icalo calipampamikwa:
Tacakabale acitelentenshiwa.+
31 Lekeni imyulu isansamuke, ne sonde lisekelele,+
Kabili lekeni basose mu nko abati, ‘Yehova naba imfumu!’+
33 Pa nshita imo ine lekeni imiti ya mu mpanga isekelele pa mulandu wa kwa Yehova,+
Pantu naisa ku kupingula isonde.+
35 Kabili soseni amuti, ‘Tupususheni, mwe Lesa we pusukilo lyesu,+
Kabili tulonganikeni pamo no kutupususha ku nko,+
Pa kuti tutootele ishina lyenu ilya mushilo,+ no kuti tumulumbanye ne nsansa.+
36 Acindikwe Yehova Lesa wa kwa Israele ukufuma umuyayaya no kuya umuyayaya.’”+
Na bantu bonse batile, “Ameni!” no kulumbanya Yehova.+
37 E lyo ashiile Asafi+ na bamunyina palya pene pa ntanshi ya cipao ca cipangano ica kwa Yehova pa kuti balebombela+ pa ntanshi ya Cipao lyonse, ukulingana ne fyalefwaikwa cila bushiku;+ 38 kabili Obedi-edomu na bamunyina, amakumi mutanda na cinekonsekonse (68), na Obedi-edomu mwana Yedutuni na Hosa e balelinda impongolo; 39 na Sadoke+ shimapepo na bamunyina bashimapepo pa ntanshi ya cikuulwa ca mushilo ica kwa Yehova icali apo balepepela mu Gibeone,+ 40 pa kuti baletuula amalambo ya koca kuli Yehova pa ciipailo lyonse ulucelo ne cungulo kabili baleumfwila fyonse ifyalembwa mu mafunde ya kwa Yehova ayo apeele abena Israele;+ 41 kabili ali na Hemani+ na Yedutuni na bashala pa baume abasalilwe abo basontele+ mu mashina pa kuti baletootela Yehova,+ pantu “icikuuku cakwe ca muyayaya”;+ 42 kabili bali na Hemani+ na Yedutuni+ ku kulisha amapenga+ na malimba ne filimba fya nyimbo sha kwa Lesa wa cine; e lyo abana+ ba kwa Yedutuni bena bali pa mpongolo. 43 Awe abantu bonse baile cila muntu ku ng’anda yakwe.+ E lyo Davidi na o aile no kupaala aba mu ng’anda yakwe.