Amalumbo

14 Umuwelewele asosa mu mutima wakwe ati:

“Takwaba Yehova.”+

Bacita imilimo ya boni,+ bacita ifya kuselausha.

Takuli uulecita icisuma.+

 2 Lelo Yehova ukufuma ku muulu alolesha pa nshi pa bana ba bantu,+

Ku kumona nga pali uwa mucetekanya, nga pali uulefwaya Yehova.+

 3 Bonse fye nabapaasuka,+ imibele yabo bonse naibipa;+

Takuli uulecita icisuma,+

Takuli fye nangu umo.+

 4 Bushe abacita ifyabipa tabaishiba,+

Apo balya abantu bandi filya balya ifya kulya?+

Na kuli Yehova tabalililako.+

 5 Pali ilya nshita baiketwe umwenso uukalamba,+

Pantu Yehova aaba mu nkulo ya mulungami.+

 6 Pa mulandu wa kuti Yehova e cubo cakwe,+

Mwalengele amapange ya wacula mwayalengele insoni.

 7 Iye, kanshi Israele nga balimupuswishe mu Sione!+

Ilyo Yehova akabwesha abantu bakwe bankole,+

Yakobo akaanga, Israele akasamwa.+