Amalumbo

Ulwimbo lwa bana ba kwa Kora. Ulwa malumbo, umushikakulo.

87 Umufula wakwe waba mu mpili sha mushilo.+

2 Yehova atemwisha impongolo sha ku Sione+

Ukucila amekalo ya kwa Yakobo yonse.+

3 Ifya lulumbi fileshimikwa pali iwe, we musumba wa kwa Lesa wa cine.+ Seʹlah.

4 Nkalanda pali Rahabu+ na Babiloni+ ukuti na bo balinjishiba;

Nkalanda pa baPelishiti+ na pa bena Turi, e lyo na pali Kushi nati:

“Aba bafyalilwe mulya.”+

5 Lelo pali Sione bakalanda ati:

“Aba bonse bafyalilwe mulya.”+

Kabili Uwapulamo+ akamukosha ndi.+

6 Yehova umwine pa kulemba inko, akatila:+

“Uyu e wafyalilwe mulya.”+ Seʹlah.

7 Kabili kukaba aba kwimba na ba kucinda, ukucinda kwa kushinguluka:+

“Imilonga yandi yonse ili muli iwe.”+