Esekiele
27 Na kabili icebo ca kwa Yehova caishile kuli ine, aciti: 2 “Na iwe, we mwana wa muntu, samwina Turi ulwimbo lwa bulanda,+ 3 no kusosa kuli Turi auti,
“‘We waikala apa kwingilila muli bemba,+ we ucita ubukwebo na bantu ba mu fishi ifingi,+ Shikulu Mulopwe Yehova asosa ati: “We Turi, we mwine watila, ‘Naliyemba icine cine.’+ 4 Incende shobe shaba pa kati na nkati ka bemba.+ Bakakuula bobe balenga uyembe icine cine.+ 5 Ku mikupri ya ku Seniri+ e ko bakupangile imbao shonse. Babuulile imikedari ya ku Lebanone+ no kukupangilako umulongoti. 6 Ku miti ikalamba iya ku Bashani e ko bapangiile inkafi shobe. Ica ku ntanshi capangilwa ku muti wa mutashuri uwa ku fishi fya Kitimu+ uo bapangila ku meno ya nsofu. 7 Insalu shobe ishalefuma ku Egupti+ ishapusanapusana mu kumoneka, e shali ku mulongoti wa ku bwato. Ubushishi bwa bluu+ na masako ya mpaanga ayakashikila+ aya ku fishi fya Elisha+ e fyali ifya kukucinga ku kasuba.
8 “‘“Abekashi ba ku Sidone+ na ba ku Aavadi+ bali e bacooba bobe. Walikwete abantu abacenjela,+ we Turi; bali e bakensha ba mato yobe.+ 9 Nangu bakalamba ba mu musumba wa Gebali+ na bacenjela ba uko bali muli iwe kabili e balecilika imilale yobe.+ Amato yonse aya pali bemba na bacooba bali muli iwe, pa kuti balekabushanya na iwe amakaabu. 10 Aba ku Persia+ na Ludimu+ na ba ku Puti+ bali mwi bumba lyobe ilya bashilika, bali e bantu bobe aba bulwi. Inkwela ne cisote bakobeke muli iwe.+ E bakucindamike. 11 Abena Aavadi,+ ne bumba lyobe ilya bashilika, bali pa malinga yobe ukushinguluka, na baume bashipa e bali mu mpungu shobe. Inkwela shabo bakobeke pa malinga yobe ukushinguluka.+ E balengele uyembe icine cine.
12 “‘“Aba ku Tarshishi+ e bo waleshitishanya na bo ifipe fya mutengo ifyalekanalekana ifingi.+ Pantu balikupeele ifya silfere, ifya cela, ifya kapotwe, ne fya mutofwe.+ 13 Aba ku Yabani,+ Tubali,+ na Mesheke+ baleshitishanya na iwe. Pantu abantu+ ne fipe fya mukuba e fyo bakupeele pa fya kukaabula fyobe. 14 Abatuntuka ku Togarma+ bakupeele bakabalwe na bakabalwe ba bulwi ne mfalashi, pa fyuma fyobe. 15 Abena Dedani+ e baleshitishanya na iwe; abantu ba mu fishi ifingi e bo waingishe incito; ameno ya nsofu+ ne fimuti fya kansalonsalo e fyo bakupeele ngo bupe. 16 Edomu aleshitishanya na iwe pa mulandu wa kuti ifipe walepanga fyalifulile. Tokwasi,+ amasako ya mpaanga ayakashikila ne nsalu shalekanalekana ne sha kolokondwe ishisuma, na bakorali na mabwe ya rubi, bakupeele pa kukaabushanya ne fyuma fyobe.
17 “‘“Yuda na ba ku calo ca kwa Israele baleshitishanya na iwe. Ingano+ sha ku Miniti+ ne fya kulya ifyaibela no buci+ na mafuta na balsamu,+ e fyo bakupeele pa kukaabushanya ne fipe fyobe.+
18 “‘“Damaseke+ aleshitishanya na iwe pa mulandu wa kuti ifipe walepanga fyalifulile, pa mulandu wa kufula kwa fyuma fyobe, no mwangashi+ wa ku Helboni na masako ya mpaanga ayakashikila. 19 Abena Vedani na bena Yabani ukufuma ku Usali—bakupeele ifipe pa fyuma fyobe. Icela icafulwa, kasia ne fyanunkila+—bakupeele pa kukaabushanya. 20 Aba ku Dedani+ e baleshitishanya na iwe insalu shapikulwa isha kufimba pa fya kwikalapo pa nama sha kwendelapo. 21 Abena Arabia+ na bakankaala bonse aba ku Kedari+ e ba makwebo abo waingishe incito. Abana ba mpaanga na basukusuku ne mbushi+—e fyo baleshitishanya na iwe. 22 Bashimakwebo ba ku Sheba+ na ba ku Raama+ baleshitishanya na iwe; ifyawamisha fyonse ifyanunkila ne misango yonse iya mabwe yauma umutengo na golde, bakupeele pa kukaabushanya.+ 23 Harani+ na Kane na Edene,+ bashimakwebo ba ku Sheba,+ ku Ashuri+ na ku Kilmadi baleshitishanya na iwe. 24 Pa cifulo cobe ica makwebo e po baleshitishanya na iwe insalu shawamisha, insalu shapikulwa ku nsalu sha bluu ne shapusanapusana ne fya kwanshika pa nshi ifyabalabata, ifyalukwa ku myando yakosa.
25 “‘“Amato ya ku Tarshishi+ e yalekusendela ifipe fya kukaabushanya, ica kuti ifyuma fyaleisula mu calo cobe kabili waishileba umukankaala pa kati na nkati ka bemba.+
26 “‘“Mu menshi ayengi e mo bacooba bobe bakutwala.+ Umwela wa ku kabanga wakubunsha mu kati na nkati ka bemba.+ 27 Ifyuma fyobe ne fya makwebo fyobe,+ ifya kukaabula fyobe,+ bacooba ba mato yobe na bakensha,+ aba kucilika imilale+ na bapokelela ifya kukaabula fyobe na baume bobe bonse aba nkondo,+ ababa muli iwe na mwi bumba lyobe lyonse, ababa mu kati kobe,—bakawila mu kati na nkati ka bemba mu bushiku bwa kuwa kobe.+
28 “‘“Kwi shiwi lya kupunda kwa bakensha ba mato yobe icalo cikatenta.+ 29 Na bonse abekata inkafi, bacooba, bakensha ba mato bonse aba pali bemba, bakafuma mu mato yabo; bakeminina ku mulundu.+ 30 Bakalenga amashiwi yabo ukumfwika pali iwe kabili bakaloosha nga nshi.+ Bakakuba no lukungu pa mitwe yabo.+ Bakaifumfunya mu mito.+ 31 Kabili bakabeya amapala pa mulandu obe,+ no kukaka insamu*+ mu misana no kukulila mu bulanda,+ ukupumapo imisowa ya bulanda. 32 Mu kuloosha kwabo bakakusamwina ulwimbo lwa bulanda no kupumapo imisowa abati,+
“‘“‘Nani uwaba nga Turi,+ nga Turi uwatalalikwa mu kati na nkati ka bemba?+ 33 Ilyo ifya makwebo fyobe+ fyafumine kuli bemba,+ waikwishe abantu abengi.+ Ku mulandu wa kufula kwa fyuma fyobe ne fipe fyobe ifya kukaabula, wacindamike ishamfumu sha pe sonde.+ 34 Nomba nautobaulwa kuli bemba, mu menshi ayashika.+ Kumfwa ifipe fyobe ifya kukaabula ne bumba lyobe lyonse,+ fyawila mu kati kobe. 35 Abekashi bonse aba pa fishi+—bakakulolesha no kupapa, ne shamfumu shabo shikatutuma ku mwenso.+ Ifinso fya shiko fikasakamikwa.+ 36 Bashimakwebo ba mu bantu na bantu, bakalisha iminsooli pali iwe.+ Nkaleta pali iwe ubucushi bwa kupumikisha, kabili tawakabepo umuyayaya.’”’”+