Ku ng’omba nkalamba. Ulwa kwa Davidi. Ulwimbo lwa kulumbanya.
109 Mwe Lesa uo numbanya,+ mwitalala tondolo.+
2 Pantu akanwa ka mubifi na kanwa ka ubepa kasosa ifibi pali ine.+
Ululimi lwabo lulanda ifya bufi pali ine;+
3 Kabili banshinguluka ne fyebo fya lupato,+
Kabili balwa na ine apabula umulandu.+
4 Pa kutemwa kwandi e po bampeelela imilandu;+
Lelo ine mpepa fye.+
5 Bacita ifibi kuli ine ilyo ine ndebacitila ifisuma.+
Kabili bampata pa mulandu wa kutemwa kwandi.+
6 Lekeni umubifi alemutungulula,
No wa kumukanya+ aleiminina lyonse ku kwa kulyo kwakwe.
7 Ilyo bamupingula, lekeni apingulwe ukuti mubifi;
Lekeni ne pepo lyakwe lisanguke ulubembu.+
8 Lekeni inshiku shakwe shibe ishinono;+
Lekeni umbi abuule bukangalila bwakwe.+
9 Lekeni abana bakwe abaume babe inshiwa+
No mukashi wakwe abe mukamfwilwa.+
10 Lekeni na bana bakwe abaume balelulumba fye;+
Kabili balelombalomba fye,
No kufuma mu fibolya fyabo ukuya balefwaya ifya kulya.+
11 Lekeni uukongwesha no kufwaya isha kulundapo abomfye ubucenjeshi no kumupoka fyonse ifyo akwata,+
Lekeni na beni+ bapoke fyonse ifyo apibiilepo.+
12 Kabili kwiba nangu umo uwa kumulanga icikuuku,+
Nangu uwa kwafwa abana bakwe inshiwa.
13 Lekeni abana bakwe abakakonkapo bakafyalilwe fye ukwipaiwa.+
Mu nkulo iikakonkapo lekeni ishina lyabo likalobe.+
14 Lekeni Yehova akebukishe amampuulu ya bashibo,+
No lubembu lwa kwa nyina+—lwikafuutwa.+
15 Lekeni ifilubo fyakwe no lubembu fileba lyonse pa ntanshi ya kwa Yehova;+
Kabili alofye ne cibukisho cabo pano isonde.+
16 Pantu taibukishe ukuba ne cikuuku,+
Lyonse aalecusha uwacula no mupiina+
No wakungumana umutima, ku kufwaya ukumwipaya.+
17 Kabili atemenwe icitiipu,+ na co caishile pali ena;+
Lelo ipaalo talitemenwe,+
Ica kuti lyalitalwike nga nshi kuli ena,+
18 Kabili icitiipu cali e ca kufwala cakwe.+
E fyo caingile muli ena nga menshi.+ Kabili nga mafuta mu mafupa yakwe.
19 Nacibe nge ca kufwala kuli ena ico afimbana+
Kabili nge ca kuikaka ico aikaka lyonse mu musana.+
20 Ici e cilambu ico uulendwisha akapokelela ukufuma kuli Yehova+
Kabili ico abalanda ifibi pali ine bakapokelela.+
21 Lelo imwe ni mwe Yehova Shikulu Mulopwe.+
Ncitileni icisuma pa mulandu we shina lyenu.+
Apo icikuuku cenu caliwama, mpokololeni.+
22 Pantu nalicula kabili ndi mupiina,+
No mutima wandi mu nda walilaswa.+
23 Napita naya, nge cinshingwa icifumapo ilyo akasuba kawa,+
Nakuntwa nga makanta.
24 Amakufi yandi nayanakuka pa mulandu wa kuleka ukulya,+
No mubili wandi naonda, kabili taukwete amafuta.+
25 Kabili naliseebana kuli bena.+
Ilyo bamona—balapukunya imitwe.+
26 Njafweni, mwe Yehova Lesa wandi;+
Mpususheni ukulingana ne cikuuku cenu.+
27 Lekeni beshibe ukuti uku kuboko kwenu;+
Ukuti ni mwe, mwe Yehova, mwacite fi.+
28 Balekeni, abene, batiipe,+
Lelo imwe, paaleni.+
Nabanjimina, lelo lekeni balengwe insoni.+
Lekeni umubomfi wenu asekelele.+
29 Lekeni abandwisha bafwale umuseebanya,+
Lekeni bafimbane insoni shabo kwati kufimbana ica kufwala cabula amaboko.+
30 Nkalumbanya sana Yehova ku kanwa kandi,+
Kabili nkamulumbanishisha mu kati ka bantu abengi.+
31 Pantu akeminina ku kuboko kwa ku kulyo ukwa mupiina,+
Ku kumupususha ku balepingula umweo wakwe.