Impendwa
24 Ilyo Balaamu amwene ukuti Yehova alefwaya fye ukupaala Israele, taile ifyo aleya inshiku+ shimbi ku kuyafwaya ifya kuleta ishamo,+ lelo aloseshe icinso cakwe ku matololo. 2 Ilyo Balaamu ainwine amenso no kumona Israele napanga inkambi ukulingana ne mikowa yakwe,+ e lyo umupashi wa kwa Lesa waishile pali ena.+ 3 E ico alandiile mu mapinda+ ati:
“Aya e mashiwi ya kwa Balaamu mwana Beore,
Umwaume wine wine uwa menso ayashibatuka,+
4 Uumfwa amashiwi ya kwa Lesa,+
Uwamwene icimonwa ca Wa Maka Yonse+
Uku ninshi alewa pa nshi na menso nayashibatuka:+
5 Ifyo yawama imimonekele ya matenti yobe, we Yakobo, amekalo yobe, we Israele!+
Nga mabala ayaba mupepi no mumana+
Nge miti ya Aloye iyo Yehova alimba,
Nge mikedari iyaba mupepi na menshi.+
7 Amenshi yakonkoloka ukufuma mu nyambi shakwe shibili,
No lubuto lwakwe lwalimbwa mupepi na menshi ayengi.+
Imfumu+ yakwe na yo ikacila Agagi,+
No bufumu bwakwe bukasansabikwa.+
8 Lesa alemufumya mu Egupti;
ukubutukisha kwakwe kwaba ngo kwa mboo.+
Akonaula inko, ishimucusha,+
Na mafupa yabo akayatobaula,+ kabili ku mifwi yakwe e ko akabashonawila.+
9 Afukeme pa nshi, kabili alambalele pa nshi nge nkalamo,
Kabili apo aba nge nkalamo, nani engapama ukumubalamuna?+
Abakupaala e bakapaalwa,+
Kabili abakutiipa e bakatiipwa.”+
10 Pali ici, Balaki akalipile nga nshi Balaamu, atoota ne ndupi,+ e lyo Balaki akonkenyepo ukusosa kuli Balaamu ati: “Ico nakwitiile, kutiipa+ abalwani bandi, lelo mona! naubapaala nga nshi iyi miku itatu. 11 E ico nomba fulumukila ku mobe. Ine natile nkakucindamika,+ lelo mona! Yehova nakaana ukuti ucindamikwe.”
12 E lyo Balaamu atile kuli Balaki: “Bushe na ine nshasosele ku nkombe shobe isho watumine kuli ine, nati, 13 ‘Nangu Balaki ampeela ing’anda yakwe iyaisulamo silfere na golde, te kuti mpule mu cipope ca kwa Yehova pa kuti fye ncite icisuma atemwa icibi ku kufwaya kwa mutima wandi. Bushe nshatile conse ico Yehova akalanda e co nkasosa’?+ 14 Nomba mona ine ndeya ku bantu bandi. Isa, pa kuti nkwebe+ ifyo aba bantu pa numa bakacita ku bantu bobe mu nshiku sha kulekelesha.”+ 15 Awe alandiile mu mapinda+ ati:
“Aya e mashiwi ya kwa Balaamu mwana Beore,
Umwaume wine wine uwa menso ayashibatuka,+
16 Uumfwa amashiwi ya kwa Lesa,+
Kabili uwaishiba ifyaishiba Uwapulamo—
Uwamwene icimonwa ca Wa Maka Yonse+
Uku ninshi alewa pa nshi na menso nayashibatuka:+
Nkamumona, lelo te mupepi.
Ulutanda+ lukafuma muli Yakobo,
Ne nkonto ikema muli Israele.+
Kabili akapusha mu mutwe wa kwa Moabu+
Na mu cipanga ca bana ba bulwi bonse.
20 Pa kumona Amaleke, akonkenyepo ukulandila mu mapinda no kutila:+
“Uwa ntanshi mu nko ni Amaleke,+
Lelo impela yakwe konaulwa.”+
21 Pa kumona abena Keni,+ akonkenyepo ukulandila mu mapinda no kutila:
“Ubwikalo bobe bwalicingililwa, kabili pa cilibwe icasansuka e paba ubwikalo bobe.
22 Lelo kukaba uukesa ku koca Keni.+
Ni nshita nshi ikapitapo pa kuti Asiria akakusende muli bunkole?”+
24 Kabili kukesa amato ayakalamba ukufuma ku lulamba lwa Kitimu,+
Yakacusha Asiria,+
No kucusha Ebere.
Lelo na o wine akaloba.”
25 Pa numa ya ifi Balaamu aliimine no kuya kabili abwelele ku mwakwe.+ Balaki na o aile mu nshila yakwe.