Amalumbo

99 Yehova naba imfumu.+ Inko shitutume.+

Ekele pali bakerubi.+ Pano isonde patelentente.+

 2 Yehova mukulu mu Sione,+

kabili alisumbuka ukucila inko shonse.+

 3 Lekeni balumbanye ishina lyenu.+

Pantu likalamba kabili lya kutiinya kabili lya mushilo.+

 4 Ni mfumu iyatemwa umulinganya kabili ibomfya amaka ya iko pa kuti kube umulinganya.+

Ni mwe mwalenga ukuti kube ubulungami.+

Ni mwe mwalenga ukuti muli Yakobo mube ubupingushi no bulungami.+

 5 Sansabikeni Yehova Lesa wesu+ no kukontama ku cipuna ca makasa yakwe;+

Wa mushilo.+

 6 Mose na Aarone bali pali bashimapepo bakwe,+

Na Samwele ali pa balelilila kwi shina lyakwe.+

Balelilila kuli Yehova, na o alebaasuka.+

 7 Mu ntumba ye kumbi e mo alelandila kuli bena.+

Balekonka amashiwi yakwe aya kubebukishako ne cipope ico abapeele.+

 8 Mwe Yehova Lesa wesu, imwe mwalibaaswike.+

Mwalebelela imembu,+

Kabili mwalibakandile pa mulandu wa fibi ifyo balecita.+

 9 Sansabikeni Yehova Lesa wesu+

Kabili kontamineni ku lupili lwakwe ulwa mushilo.+

Pantu Yehova Lesa wesu wa mushilo.+