33 Auleni utupundu mwe balungami, pa mulandu wa kwa Yehova.+
Abatambalala e balingile ukumulumbanya.+
2 Tooteleni Yehova pali nsango;+
Mulumbanishisheni pa cilimba ca nsale+ ikumi (10).
3 Mwimbileni ulwimbo lupya;+
Lisheni bwino insale pamo no kwaula utupundu.+
4 Pantu icebo ca kwa Yehova calilungama,+
Ne milimo yakwe yonse ya cishinka.+
5 Atemwa ubulungami no mulinganya.+
Pano isonde pafula icikuuku ca kwa Yehova.+
6 Ku cebo ca kwa Yehova imyulu yalipangilwe,+
Na ku mupu wa mu kanwa kakwe amabumba ya fya mu myulu yonse yalipangilwe.+
7 Apindilila amenshi ya muli bemba nga mu cishiba,+
No kusunga amenshi ayengi kwati ni mu butala.
8 Lekeni bonse aba pe sonde batiine Yehova.+
Lekeni abekashi bonse aba pano nse bamutiine.+
9 Pantu umwine alisosele, kabil cali fyo fine;+
Afumishe icipope, kabili cacitike fyo fine.+
10 Yehova nafulunganya amapange ya nko;+
Nalesha amatontonkanyo ya bantu na bantu.+
11 Amapange ya kwa Yehova yakeminina umuyayaya;+
Amatontonkanyo ya mutima wakwe ya ku nkulo ne nkulo.+
12 Lwalipaalwa uluko ulo Yehova e Lesa wa luko,+
Abantu abo asala ukuba abakwe.+
13 Yehova mu muulu alolesha,+
Amona abana ba bantu bonse.+
14 Mu bwikalo bwakwe ubwapampamikwa+
Alolesha pali bonse abekala pe sonde.
15 E umumunga imitima ya bonse;+
Aleshiba imicitile yabo yonse.+
16 Takuli imfumu iipusukila ku kufula kwa bashilika;+
Impalume taipokolwelwa ku bwingi bwa maka.+
17 Kabalwe ni nama iishingapususha umuntu,+
Nangu akwate shani amaka te kuti apusushe.+
18 Moneni! Amenso ya kwa Yehova yali pa bantu abamutiina,+
Pa balolela icikuuku cakwe,+
19 Ku kupususha imyeo yabo ku mfwa,+
No kupususha aba mweo ku cipowe.+
20 Imyeo yesu ilolela Yehova.+
Ena e kaafwa wesu kabili e nkwela yesu.+
21 Pantu muli ena e mo imitima yesu isekelela;+
Pantu mwi shina lyakwe ilya mushilo e mo twatetekela.+
22 Mwe Yehova, lekeni icikuuku cenu cibe pali ifwe,+
Pantu tulolela imwe.+