Ulwimbo lwa pa Kuninika.
130 Nakuuta kuli imwe mwe Yehova ilyo ndi umwashika.+
2 Mwe Yehova, umfweni ishiwi lyandi.+
Shi amatwi yenu yakutike kwi shiwi lya kupapaata kwandi.+
3 Imembu nga e sho mulolekesha,+ mwe Jah,
Mwe Yehova, nani uwingeminina?+
4 Pantu kuli imwe kwaba ukwelela kwa cine,+
Pa kuti abantu bamubele akatiina.+
5 Nalolela ukwafwa kwenu, mwe Yehova, umweo wandi walolela ukwafwa kwenu,+
Kabili icebo cakwe e co nalolela.+
6 Umweo wandi walolela Yehova+
Ukucila filya abalinshi balolela ulucelo,+
Ilyo balelolela ukuti buce.+
7 Lekeni Israele alelolela Yehova.+
Pantu Yehova aba ne cikuuku,+
Kabili alapususha nga nshi.+
8 Kabili akalubula Israele ku membu shakwe shonse.+