Amalumbo

137 Mu lulamba lwa mimana ya ku Babiloni+—e mo twaikele.+

Kabili twalililile ilyo twaibukishe Sione.+

 2 Pa miti ya miarabimu+ mu Babiloni

E po twakobeke bansango besu.+

 3 Pantu palya e po abatwikete bunkole balombele kuli ifwe ulwimbo,+

Kabili abaletupumya balefwaya tubasekesheko, balefwaya tubembilepo ulwimbo lwa kusekelela abati:+

“Twimbilenipo ulwimbo ulwa ku Sione.”+

 4 Kuti twaimba shani ulwimbo lwa kwa Yehova+

Mu mpanga imbi imbi?+

 5 Nga nalaba iwe, we Yerusalemu,+

Ninshi ukuboko kwandi ukwa ku kulyo kulabe ifyo kwaishiba ukucita.

 6 Ululimi lwandi lulambatile ku muulu wa kanwa kandi,+

Nga nakaana ukwibukisha iwe,+

Nga nafilwa ukulenga Yerusalemu

Ukuba ica kundetela insansa ishapulamo.+

 7 Mwe Yehova, ibukisheni+ ubushiku abana ba kwa Edomu+ balesosa pali Yerusalemu,+

Abati: “Bongololeni! Bongololeni ukufika na pa mufula wa kukuulapo!+

 8 We mwana mwanakashi Babiloni, we uli no konaulwa,+

Akasansamuka uwabwesesha pali iwe+

Ifyo wacitile kuli ifwe.+

 9 Akasansamuka uwafyambata no kusansaula+

Abana bobe pa kubapoola pa cilibwe.