Amalumbo

28 Kuli imwe, mwe Yehova, e ko ndilila.+

Mwe Cilibwe candi icasansuka, mwikomeka amatwi kuli ine,+

Pa kuti mwi-ikala tondolo kuli ine+

No kuti niba nga baletentemukila mu nindi.+

 2 Umfweni ishiwi lya kupapaata kwandi ilyo nakuuta kuli imwe,

Ilyo nasumbwila amaboko+ yandi ku muputule wa mu kati na nkati uwa mwa mushilo mwenu.+

 3 Mwinkulila pamo na babifi ne ncitatubi,+

Abasosa umutende ku banabo+ lelo abo mu mitima yabo mwaba ububi.+

 4 Bapeeleni ukulingana ne micitile yabo+

Kabili ukulingana no bubi bwa micitile yabo.+

Ukulingana ne milimo ya maboko yabo e fyo mubape.+

Citeni kuli bena ukulingana ne micitile yabo.+

 5 Pantu balisuula imilimo ya kwa Yehova,+

Ne milimo ya minwe yakwe.+

Akababongolola no kubakuula iyo.

 6 Acindikwe Yehova, pantu aumfwa ishiwi lya kupapaata kwandi.+

 7 Yehova e maka+ yandi kabili e nkwela yandi.+

Umutima wandi walimutetekela,+

Kabili nalyafwiwa, ica kuti umutima wandi ulaanga,+

Kabili nkamulumbanya mu lwimbo lwandi.+

 8 Yehova e maka ya bantu bakwe,+

Kabili e ca kucingilila umupusukila uwasubwa wakwe.+

 9 Pususheni abantu benu, no kupaala ubupyani bwenu;+

Kabili bacemeni no kubasenda umuyayaya.+