Yobo

30 “Kabili nomba banseka,+

Abaice pali ine,+

Abo nasuulile bashibo

Ica kuti nshingababika pamo ne mbwa ishilinda impaanga shandi.

 2 Kabili amaka ya maboko yabo—ya nshi kuli ine?

Amaka yabo yalipwa.+

 3 Ku kubulwa na ku nsala bashala imisakalala,

Abasheta ifya mu mpanga iyauma,+

Umwapitile inkuuka mailo kabili umwaonaika.

 4 Balesaba umusalu wa mucele mu mbali ya fimpukusa,

Ne mishila ya cimuti ca fipyango e yo balelya.

 5 Balebatamfya mu bantu;+

Abantu balebawela kwati bapuupu.

 6 Bayalebela ku matelo ya mimana,

Mu ncengo sha mu mushili ne sha mu fimabwe.

 7 Mu kati ka fimpukusa e mo balelilila;

Mwi samba lya sepe e mo balebungana pamo.

 8 Abana ba mpelwa mano,+ kabili abana ba cinangwa,

Balebacusha basuka bafuma mu calo.

 9 Lelo nomba balanyimba mu lwimbo lwabo,+

Kabili batampa no kunseka.+

10 Balimpata, balantaluka;+

Kabili ku cinso candi tabalekele ukufwisa amate.+

11 Pantu umwando wandi uwaba ku buta aliunenwine no kunseebanya,

Kabili bapoosele umukobelo pa kuti bandimune.

12 Ku kulyo kwandi banjimina kwati ni ncitatubi;

Amakasa yandi bayaleka yaya,

Lelo bapindilila pali ine ifya kucilikila fyabo.+

13 Nabafulunganya inshila shandi;

Bandetele fye ubucushi bweka bweka,+

Ukwabula no wa kubafwako.

14 Baisaingila nga pa cipongolo icikulu ice linga;

Bapita mu nkuuka.

15 Ifya kutiinya fya kupumikisha fyayalukila pali ine;

Ubukankaala bwandi bwaululwa nga ku mwela,

No kupusuka kwandi kwapita nge kumbi.

16 Kabili nomba ubumi bwandi bwile bulecepa;+

Inshiku sha bucushi+ nashinsanga.

17 Ubushiku amafupa+ yandi yatulaulwamo, yafuma ku mubili wandi,

No bukali ubulencusha tabuletuusha.+

18 Ica kufwala candi cayaluka pa mulandu wa maka ukuluma;

Canshinguluka ngo mukoshi wa ku ca kufwala candi icitali.

19 Antentemushisha mu matipa,

Ica kuti namoneka ngo lukungu kabili nge mito.

20 Nalilila kuli imwe, lelo tamungasuka;+

Naiminina, pa kuti moneke kuli imwe.

21 Mwayaluka no kuba umunkalwe kuli ine;+

Ku kuboko kwa maka yenu ayengi mwaba umulwani wandi.

22 Mwanjimya, mwanenga ukunina pa mwela;

E lyo mwansungulula ku cibulumo ca nkuuka.

23 Pantu nalishiba bwino ukuti mukambwesesha ku mfwa,+

Ku ng’anda uko aba mweo bonse bakumanina.

24 Lelo takuli uuletambika ukuboko ku fitantaala,+

Na mu kupelelwa kwakwe tapunda ati ntuuleni.

25 Cine cine nalilile ubulanda uwalecula;+

Umutima wandi walyumfwilile umupiina ubulanda.+

26 Nangu ca kutila nalelolela ifisuma, ifibi e fyaishile;+

Kabili nalelolela ulubuuto, lelo imfifi e yaishile.

27 Mu nda yandi mwalibilawike no kukanatalala tondolo;

Inshiku sha bucushi shalinsangile.

28 Naendele uwa bulanda+ ilyo kushali ulubuuto;

Naiminine mu lukuta, ndekuuta mutuule.

29 Nali munyina wa bamumbwe,

Kabili umubiye wa bana ba kwa mwakatala.+

30 Inkanda yandi yalifiitile+ kabili yaleubuluka no kuubuluka,

Na mafupa yandi yalikabile ku kuuma.

31 Nsango wandi na o asangwike ukuloosha,

No mutolilo wandi wasangwike ishiwi lya balelila.